Participatiounsbudget 2026

Iwwer de Budget Participatif fërdert d'Gemeng Fréiseng iwwer zwee Joer ewech lokal Projete mathëllef vun engem Montant vun insgesamt bis zu 100.000 €. All d'Awunnerinnen an d'Awunner vu véierzéng Joer u kënnen hir Projetsiddien a verschiddene Beräicher ewéi Ëmwelt, Mobilitéit oder Kultur areechen, déi d'Liewensqualitéit an der Gemeng verbessere sollen. Nodeem d'Gemeng d'Ëmsetzbarkeet vun all den Iddie iwwerpréift an eng éischt Selektioun gemaach huet, stëmmen d'Awunnerinnen an d'Awunner online of, andeem se de Budget vun 100.000 € op déi Projeten, déi hinnen am beschte gefalen, verdeelen. D'Gemeng stellt déi ausgewielt Projete bei enger Informatiounsseance vir an informéiert d'Ëffentlechkeet reegelméisseg iwwer de Stand wärend der Ëmsetzung vun de Projeten.